Мурод Тошматов: "Локомотив"га қарши ўйинда "Сўғдиёна"га омад тилайман"

Мурод Тошматов бир неча мавсум давомида «Сўғдиёна» таркибида ўзининг ёрқин ўйинлари билан мухлислар қалбидан жой олишга эришди, десак хато бўлмас. М.Тошматов янги мавсумни Бекободнинг «Металлург» жамоасида бошлади. «Сўғдиёна»нинг кечаги ўринбосарлари ўйинидан кейин майдонда асосий таркиб футболчилари машғулот ўтказишди. Машғулотга ташриф буюрган М.Тошматов собиқ жамоадошлари билан илиқ суҳбатлашди. Биз фурсатдан фойдаланиб жамоамизнинг собиқ футболчисидан эртанги ўйин ҳақидаги фикрлари билан қизиқдик:

- Муроджон, эртанги «Локомотив» - «Сўғдиёна» учрашуви ҳақидаги фикрларингиз қандай?
- Худо хоҳласа эртага «Сўғдиёна» жамоаси имкони борича очко олишга ҳаракат килади, уйга очкo билан кайтиш менимча жамоанинг асосий мақсади, собиқ жамоадошларимга факат омад тилайман.

- «Локомотив» ҳақида…
- «Локомотив» ҳақида нима дейишим мумкин: аниқ бирон нарса дея олмайман. 40% — 60% ! Агар «Сўғдиёна» жамоавий ўйини намойиш эта олса, «бир мушт» бўлиб ўйнай олишса, албатта очко олади.