Мурод Отажонов: "Шундай ўйинлар кўпайса яхши"

Унинг иккинчи қисмида майдон эгалари мураббийи Мурод Отажонов иштирок этди.

"Ўйин тенг бўлди. Биз ташкил этган кўплаб вазиятлардан фойдалана олмадик, гол урган вазиятларда ўйиндан ташқари ҳолат қайд этилди. Иккинчи бўлимда жонли ўйин бўлди. Вазиятлардан унумли фойдалана олмадик. Мавсум бошида шундай курашчан ўйин намойиш этаверсак яхши бўлади. Бошқа ўйинлар ҳам бугунгидек курашларга бой ўтса чемпионатимиз томошабоп бўлади.

Муборакда "Машъал"га қарши учрашув кучли ёмғир остида ўтди, ўша баҳсдан сўнг Симоненко ва Бугало шамоллаб қолишганди. "Фулад"га қарши ўйинга уларни асрашга қарор қилдик. Бугун дарвозамизни Акбар Тўраев қўриқлади. У бугун яхши ўйнади ва дарвозабонлар борасида муаммо йўқлигини кўрсатди", - дейди Мурод Отажонов.