Мурод Исмоилов: "Сен урмасанг, сенга уришади"

“Ўтган турда "Олмалиқ" устидан қозонилган ғалабамизни бугун ҳам давом эттириб мухлисларимизни хурсанд қилишни истагандик. Аммо бугун биз ўйлагандек кечмади”, - деб гап бошлади Исмоилов.

“Рақибни камситмаган ҳолда шуни айтишим мумкинки,  бугун ўйин ташкил этиш ва маҳорат бобида ютқазмадик. Гол уриш бир қатор вазиятларни яратдик. Амми уларни якунлашда йигитларга аниқлик етишмади. "Сўғдиёна" эса яратилган иккита вазиятдан унумли фойдаланиб ғалаба қозонди. Футболда "сен урмасанг, сенга уришади" деган нақл бор. Бугун ҳудди шундай бўлди. "Сўғдиёна" жамоасининг ушбу ғалабаси билан табриклайман».

“Яна айтаман, ўйинни ташкил этиш борасида ютқазмадик. Фақат шу вазиятларни голга айлантиришга келганда аниқлик етишмади”.

“Ўтган йилги "Сўғдиёна" билан бугунгисини солиштирса, бу йил ёшлар ўйнамоқда. Уларда маҳорат камроқ бўлсада, лекин иштиёқ юқори”.