Муҳаммадали Ўринбоевга "U-20 Осиё Кубогининг энг яхши тўпурари" соврини топширилди

Бугун ЎФА раҳбарияти мазкур мукофотни футболчимизга топшириб, келгусида жамоамиз олдида янада муҳим турнирлар, хусусан, кейинги Олимпиада йўлланмасини қўлга киритиш вазифаси турганини айтиб ўтди. Хатолар устида ишлаш ва U-20 Осиё Кубоги мусобақасида орттирилган тажриба келажакда катта натижаларга эришиш учун муҳим асос бўлиши таъкидланди. 

Ўз ўрнида, Муҳаммадали Ўринбоев ушбу соврин унга янада кўпроқ меҳнат қилиш ва жамоага ёрдам бериш учун қўшимча мотивация беришини қайд этди.

Маълумот учун, Муҳаммадали Ўринбоев мусобақада 4 та гол урган эди.