Муҳаммадали Ғиёсов: "Мураббийим бу борада кўп танбеҳ берган"

Учрашувдан кейин ғалаба голи муаллифи бухоролик Муҳаммадали Ғиёсовнинг фикрлари билан қизиқдик:

"Қийин бўлди. Бу биз учун жуда муҳим ўйин эди. Шунинг учун бор кучимизни майдонга ташладик. Шукр, якунда 3 очко олдик".

— Голларингизни доим захирадан тушиб, уряпсиз. Сизнинг жамоанинг "сеҳрли таёқчаси" десак бўладими?

— Бу ҳаммаси Аллоҳдан. Барча ўйинларда гол уролмаяпман. Бугун шунақа бўлиши керак экан.

— Теҳника масаласида сизга савол бўлиши мумкин эмас. Аммо кўпинча зарба беришни кечиктириб юборасиз...

—  Бу ҳақда Тимур ака ҳам бир неча бор танбеҳ берганлар. Машғулотларда шу ва бошқа камчиликларим устида кўпроқ ишлаяпман. Ҳаммаси яхши бўлади ҳали.