Latest news

02:00КЧЖ. ПСЖ "Сиэтл Саундерс"ни таслим қилди ва гуруҳда биринчи ўринни эгаллади, "Атлетико" ғалаба қозонган бўлсада уйга қайтади  3 01:54“Навбаҳор” ПФК раҳбариятида ўзгариш юз берди  3 01:20"Арсенал" словакиялик футболчи учун 70 млн. евро тўлашга тайёр, аммо "Лейпциг" 80 млн. евро сўраяпти  1 00:33Вадим Абрамов: "Барча мухлислардан узр сўрайман"  4 23:43"Ал Ҳилол" Тео Эрнандесни сотиб олишга жуда яқин  0 22:52"Реал" Родригони 90 миллион еврога баҳолади. Агар "Арсенал"га қизиқ бўлган вингер сотилса, Алонсога керакли ярим ҳимоячи сотиб олинади   3 22:35Осимхен дунёнинг энг кўп маош олувчи футболчиларидан бирига айланиши мумкин  3 21:55Суперлига. Абдухолиқовга аталган оқшомда "Динамо" жорий мавсумдаги илк мағлубиятини "Бунёдкор"дан қабул қилиб олди  73 21:35Про лига. "Олимпик-MobiUz" "Жайхун"ни йирик ҳисобда таслим қилди  2 21:15Фирмино учун янги чақириқ: Туркия клуби расмий таклиф билан чиқди  1 20:30ПСЖ Баркола ҳеч қаерга кетмаслигини билдирди  1 19:30"Реал" Лунинни МЮга қўйиб юбормади  0 18:53Эрон 2026 йилги Жаҳон чемпионатида иштирок эта олмаслиги мумкин  37 18:20"Барса" футболчиси Францияга кетмоқда  0 17:52Турки Ал аш-Шайх Англия клубини сотиб олиш ҳақида ўйламоқда  1

Мудофаа чизиғи вакиллари катта саҳнада ёхуд Суперлиганинг жорий мавсумдаги голеадор ҳимоячилари News

Мудофаа чизиғи вакиллари катта саҳнада ёхуд Суперлиганинг жорий мавсумдаги голеадор ҳимоячилари

Ҳужумчиларнинг вазифаси - гол уриш.

Лекин футбол шундай спорт турики, унда гол урадиган футболчи албатта, ҳужумчи бўлиши шарт эмас. Шундай ҳимоячилар борки, улар бир мавсум давомида бир нечта ҳужумчидан кўп тўп киритиши мумкин. Демак, бугун жорий мавсум Суперлигада голеадор бўлиб турган ҳимоячилар ҳақида фикр юритамиз. 

Шерзод Насруллаев ("Насаф")

Статистикаси: 20та ўйин, 3та гол, 7та ассист

Ушбу мавсумда ўзининг иқтидорини ёрқин намоён қилаётган Шерзод Насруллаев чемпионатда позициясининг кучлиси эканлигини кўрсатиб улгурди. "Насаф"да Фарруҳ Сайфиевдан сўнг чап қанотга муносиб ўринбосар етишиб чиқди, дея оламиз. Насруллаевни терма жамоага чақирилишини барча кутяпти. Балки Сречко Катанец навбатдаги йиғинларда унга имконият берар. Айни пайтда Суперлига тугашига 2та тур қолганида 3та гол, 7та ассист билан голеадор ҳимоячилар ичида биринчи ўринни эгаллаб турибди. 

Иван Йосович ("Қўқон-1912")

Статистикаси: 23та ўйин, 4та гол, 2та ассист

Ўзбекистондаги иккинчи мавсумини ўтказаётган сербиялик ҳимоячи Иван Йосович рўйхатимизнинг иккинчи поғонасидан жой олди. Марказий ҳимоячи бўлишига қарамасдан, мавсум ўртасида "Қўқон-1912"нинг муҳим голларига муаллифлик қилди. Унинг голлари жамоасига керакли очколарни тақдим қилди. 

Жамолиддин Убайдуллаев ("Машъал")

Статистикаси: 22та ўйин, 3та гол, 2та ассист

Александр Хомяков "Машъал"нинг имкониятларидан келиб чиқиб кўпроқ ҳимоявий ва қарши ҳужумга асосланган услубни қўлламоқда. Шунингдек, стандарт вазиятлар орқали кескинлик яратишга уриняпти. Муборакликларнинг 19та голидан 3тасига Жамолиддин Убайдуллаев муаллифлик қилди. Жамоадошларининг эса 2та голига ассистентлик қилди. 

Усмонали Исмоналиев ("Андижон")

Статистикаси: 20та ўйин, 4та гол, 1та ассист

"Андижон"нинг том маънодаги етакчиси Усмонали Исмоналиев бўлди десак янглишмаймиз. Сафарда "Навбаҳор" ва "Машъал" дарвозасига урган голлари жамоага тарихий ва ўта муҳим ғалабаларни олиб келди. "Андижон" тарихда илк бор Наманган ва Муборак шаҳарларидан ғалаба билан қайтди. Аслида соф ҳимоячи бўлган Усмонали Виктор Кумиков келгач ҳужумда ўйнай бошлади. 

Ҳусниддин Алиқулов ("Насаф")

Статистикаси: 20та ўйин, 3та гол, 1та ассист

Икки мавсумдан бери "Насаф"нинг марказий ҳимоясида ишончли ҳаракат қилаётган Алиқулов ўзининг кам сонли голлари билан жамоасига очко олиб берди. Айниқса, АГМК билан сафарда кечган баҳсда сўнгги сонияларда урган голи "аждарлар"ни мағлубиятдан қутқариб қолди. "Қизилқум" ва "Турон" дарвозаларига йўл топган учрашувларда ҳам ҳисобдаги устунлик қаршиликлар томонида бўлди.

Мурод Холмуҳаммедов ("Қўқон-1912")

Статистикаси: 19та ўйин, 3та гол, 1та ассист

Голеадор ҳимоячилар рўйхатини "Қўқон-1912" ҳимоячиси Мурод Холмуҳаммедов якунлайди. 2020 йилги мавсумда 12та гол (8таси пенальтидан) билан Суперлига тўпурарлари қаторидан жой олган ҳимоячи бу йил сермаҳсуллик кўрсата олаётгани йўқ. Айрим паллаларда жароҳат ва бошқа сабаблар тўпурарлик хислатини кўрсатишга тўсқинлик қилмоқда, дея оламиз. Шундай бўлса-да, айни пайтда 19та ўйинда 3та гол, 1та ассист натижасини қайд этиб турибди. 


Шунингдек, Сардор Раҳмонов (АГМК), Шаҳбоз Жўрабеков ("Сўғдиёна"), Владислав Касминин ("Турон") – 2тадан голни ўз номларига ёздириб қўйишди. 

Абдулазиз Искандаров

Rating: +6   

Comments

championat.asia
< show latest news
Яндекс.Метрика