Моуринью: "Бензема шунчалик кўп ишлайдики, "Олтин тўп" – бу табиий натижа"
18 oct 2022 18:31
News

Моуринью: "Бензема шунчалик кўп ишлайдики, "Олтин тўп" – бу табиий натижа"

"Рома" бош мураббийи Жозе Моуринью "Реал" ҳужумчиси Карим Бензема "Олтин тўп"ни қўлга киритгани ҳақидаги хабарга ўз муносабатини билдирди.

"Карим – фантастик йигит, ажойиб характерга эга, у жамоавий ўйинчи. У ўзига, "Олтин тўп"га ёки бошқалардан кўра кўпроқ гол уриш истагига қаттиқ боғланиб қолмаган. У шунчаки жамоавий ўйинчи, шунчалик кўп иш қиладики, "Олтин тўп" – бу табиий натижа", – деди Моуринью.

Жозе Моуринью Бензема билан "Реал"даги фаолияти давомида бирга ишлаган, португалиялик мутахассис 2010-2013 йилларда "қироллик клуби"ни бошқарган.

34 ёшли футболчи ўтган мавсум "Реал" билан Ла Лига ва Чемпионлар Лигасида ғолиб чиқди ва ҳар икки мусобақада ҳам энг яхши тўпурарга айланди. Футболчи Мадрид клуби таркибида 2009 йилдан буён ўйнаб келмоқда.

Link :

Source : The Mirror

Receive latest football news directly on your phone. Subscribe for our Telegram channel!

Rating: +3