Моуриньо яна норози

"Кўпроқ футболчи харид қилишни режалаштирган эдим. Ҳар бир мавсумлар оралиғида шундай бўлади, мураббий кўпроқ футболчи истайди. Бизнинг табиатимиз шундай.

Аммо клуб қарорлари турлича. Одатда истаганингизни ололмайсиз, бутун фаолиятим давомида шундай бўлиб келган. Агар трансфер ёпилгунига қадар бир ўйинчи билан шартнома тузсам, ҳаммаси жойида бўлар эди.

Трансфер ойнаси ёпилиши билан Премьер-лига бошланишига қаршилигим йўқ. Бироқ АПЛ старт оладиган вақт борасида эътирозим бор.

Италия ва Испанияда Россиядаги жаҳон чемпионатида иштирок этган футболчилар кўп, аммо уларда лига кечроқ бошланади. Премьер-лига ҳам шундай қилса бўлар эди" - дейди Моуриньо.

Эслатиб ўтамиз, Англия Премьер-лигаси 10 август куни, ЛаЛига 17 август, А Серия - 19 августда старт олади.