Моуриньо: "Ҳакам менинг сабримни синади"

"Ўйинни яхши бошладик, иккинчи бўлимда эса биринчисига қараганда  ажойиб ўйин кўрсатдик. Ўйинни назорат қилиб бордик. Сифатли, креатив ҳаракатлар билан тўпни ўзимизда ушлаб тура олдик. Ҳимоячилар жуда ишончли ўйин кўрсатишди. Ўйиннинг якуний 15 дақиқаси бундай ўтишига лойиқ эмасдик.

Ҳакамдан мамнунман. Бироқ у 6 дақиқа вақт қўшиб, менинг сабримни синади. Қачонки шундай пайтда кичик ҳисоб билан ютаётган бўлсанг, ҳиссиётларинг ва юрагинга қийин бўлади.

Биз керакли бўлган 3 очкони олдик. АПЛнинг сўнгги уч ўйинида биз икки марта ғалабага эришиб, 1 марта дуранг ўйнадик. "Стэмфорд"да 3 очкога мос ўйин кўрсатгандик.

Лукаку ўтган ўйинга қараганда яхшироқ ўйнади. Тўпни ўзида ушлаб тура олди ва ўзини яхши томондан кўрсатди", - деди Моуриньо.