Моуриньо: "70 000 томошабин қаршисида бизга осон бўлмайди"
29 apr 2022 08:42
News

Моуриньо: "70 000 томошабин қаршисида бизга осон бўлмайди"

"Рома" бош мураббийи Жозе Моуриньо Конференциялар лигаси доирасида "Лестер"га қарши ўйиндан сўнг (1:1) ўз фикрларини билдирди.

"Биз тўпни осонлик билан йўқотдик ва қарши ҳужум уюштириш қийин бўлди. Бу бироз амалга ошмади. Биз ташкилий томонлама яхши ҳаракат қилдик, прессинг уюштирдик, ўзимиз истаганимиздек ўйнадик. Аммо вақти-вақти билан сермаҳсулликни йўқотдик.

Ишонаманки, "Рома"нинг ўйинни кузатган мухлислари қарама-қаршилик тақдири "Олимпико"да ҳал бўлишидан мамнун бўлишади. 70 000 томошабин қаршисида ҳам бизга осон бўлмайди.

Якшанба куни "Болонья" билан ўйин бор. Улар яхши ўйнаяпти ва ғалаба қозонмоқда. "Лестер"дан фарқли равишда биз А Серияга эътиборимизни қаратиб, бешинчи ўринни қўлга киритишга уринишимиз керак. Уларда ҳозир Еврокубокларда қатнашиш учун имконият йўқ.

Энди уч кун ярим финал ҳақида унутиб, "Болонья"га эътиборимизни қаратишимиз лозим", - деди Моуриньо.

Link :

Source : UEFA

Receive latest football news directly on your phone. Subscribe for our Telegram channel!

Rating: +8