Мостовой: "Шармандалик! Ҳозир ҳамма бақириб қўяди ва икки йил сигара чекишади"

"Бу шармандалик. Уэльсдек жуда кучли бўлмаган жамоага қандай қилиб йирик ҳисобда мағлуб бўлиши мумкин. Ўйиндан олдин кўпчилик уэльсликларни мағлуб эта олишимиз ҳақида гапиришган эди, аммо Россия терма жамоаси биринчи учрашувларда ҳеч қандай ўйин кўрсатмаганди. Бугун омадимиз келди, чунки баъзи вазиятларда тўп Игорь Акинфеевга тегиб қолди, акс ҳолда ҳисоб 5:0 бўлиши мумкин эди. Чет эллик мутахассислар терма жамоамизни турнирдаги энг кучсизлар орасига қўшишини истамасдим. Лекин Россия терма жамоасининг бундай ёмон ўйнашини анчадан бери кўрмаган эдим.

Икки йилдан кейин жаҳон чемпионатини қабул қиламиз, аммо хулосалар ҳақида гапирадиган бўлсак, ҳеч нарса қилинмайди. Чунки ҳозир сигарани чекиб, икки йил бемалол кутиш мумкин. Ҳамма бироз бақириб қўяди, муаммоларни муҳокама қилишади ва барчаси унутилади. Ўзимизни алдаш билан шуғулланамиз. Бутун умримизни футболга бағишлаганмиз ва биринчи имконият бўлиши биланоқ Европага кетишни бекорга айтмаймиз. Футболчиларимиз эса ички чемпионатда қолиб кетишяпти" - дейди Мостовой.