"Монако" - "Ювентус". Учрашув ҳақида сиз билишингиз керак бўлган 4 маълумот

Меҳмонлар ҳужумчиси Гонсало Игуаин урган 2 та гол "кекса синьора"нинг биринчи учрашувдаги ғалабасини таъминлади, мезбонлар эса голларга жавоб бера олишмади. Эътиборингизга ушбу учрашув ҳақида сиз билишингиз керак бўлган 4 муҳим маълумотни тақдим этамиз.

Аллесандро Дель Пьеро

19 йил олдин Алессандро Дель Пьеро худди шу жамоалар ўртасидаги баҳсда 4 та гол урган. 42 ёшли собиқ футболчи айни дамда Калифорниядаги Глендейл спорт комплекси директори сифатида ишламоқда. У ўз жамоасининг учрашувини Лос-Анжелесдаги уйида телевизор орқали томоша қилди ва бу ҳақда "Инстграм"даги ўқувчиларига маълум қилди.

Дель Пьеро  1995-1996 мавсумда "кекса синьора" билан Чемпионлар лигасида ғолиб бўлган, кейинги мавсумда эса финалда Дортмунднинг "Боруссия"сидан мағлубиятга учраган эди.

Буффонда 100 та

Жанлуижи Буффон "Монако"га қарши баҳсда Чемпионлар лигасидаги 100 учрашувида майдонга тушди. Буффон ушбу турнирдаги дебютини 1997-98 мавсумда "Парма" сафида амалга оширган.

"Кекса синьора" посбони 2003 ва 2015 йиллардаги финалда Чемпионлар лигаси кумуш медалига эга бўлган. Ҳозирча дарвозабон турнир ғолибига айланмаган ва бу сафар ушбу муваффақиятга жуда яқин турибди.

Қизиқ маълумот: Буффон "Парма" сафида 108-учрашувини ўтказганида Килиан Мбаппе дунёга келган эди.

Мбаппе майдонга укаси билан чиқди

"Монако" ҳужумчиси Килиан Мбаппе "Ювентус"га қарши учрашувга укаси Этан билан майдонга чиқди.

"Кекса синьора" франциялик рақибларини хафа қилишда давом этмоқда

"Ювентус" сўнгги маротаба Чемпионлар лигасида 1996 йилда ғолиб бўлган. Ушбу турнирда "кекса синьора" жамоаси франциялик рақибларини жуда кўп хафа қилган.

1972 йилдан ҳисоблайдиган бўлсак, "Ювентус" Франция жамоаларига қарши 23 та ўйин ўтказган ва бор-йўғи тўрт маротаба мағлуб бўлган (15 та ғалаба, 4 та дуранг).