"Монако" Балогун трансферини эълон қилди

"Арсенал" ҳужумчиси Фоларин Балогун "Монако" билан шартнома имзолади.

"Қизил-оқлар" матбуот хизмати хабарига кўра, 22 ёшли америкалик футболчи монегасклар билан 2028 йилнинг июнига қадар мўлжалланган келишувни расмийлаштирди.

Балогун ўтган мавсумни ижара асосида Франциянинг "Реймс" жамоасида ўтказган ва барча турнирларда 39 та ўйин ўтказиб, 22 та гол урган ва 3 та голга ассистентлик қилганди.

Transfermarkt футболчининг трансфер нархини 30 миллион еврога баҳоламоқда.