Мочинов жамоаси кеча яна ютқазди
21 aug 2014 12:38
News

Мочинов жамоаси кеча яна ютқазди

Ўсмирлар ўртасидаги Осиё чемпионатига тайёргарлик кўраётган Ўзбекистон (U-16) терма жамоаси кеча Тошкентдаги охирги назорат баҳсини ўтказди.

“Бунёдкор” ўринбосарлари билан кечган беллашувда Александр Мочинов шогирдлари 1:2 ҳисобида мағлуб бўлишди. Ўйинда ўсмирларимиз сафида Ислом Кенжабоев гол муаллифи бўлди. Шундай қилиб 1998 йилда туғилган футболчилардан иборат терма жамоамизнинг Тошкентдаги йиғини якунига етди.

Энди футболчилар 24 август куни Малайзияга йўл олишади. У ерда иккита ўртоқлик учрашуви ўтказилгач, Осиё чемпионатида қатнашиш учун Таиландга жўнаб кетилади. Ўсмирларимиз “C” гуруҳида Непал, КХДР ва Қувайтга қарши майдонга тушишади.

Link :

Source : championat.asia

Receive latest football news directly on your phone. Subscribe for our Telegram channel!

Rating: