"Mixed zone". Абдурауф Бўриев: "Ироқ билан ҳақиқий кучимиз синалди"

Тимур Кападзе шогирдлари кеча оқшомда Ироқ билан  ўзлари учун керакли натижага эриша олишди. Учрашувдан сўнг одатдагидек футболчилардан бири Абдурауф Бўриев фикрларини билдириб ўтди. 

"Қийин ўйин ўтди. Боз устига илк дақиқалардан қизил карточка олиш икки ҳисса куч билан ўйнашга ундади. Бундан буён кучсиз жамоа бўлмайди. Ироқ ҳам шулар жумласидандир. Асосийси ватанимиз олдида юзимиз ёруғ бўлди. 

Қайсидир маънода ҳақиқий кучимиз синалди. Муҳими қўлимизни туширмадик. Биз бир жамоамиз, битта ватан шарафини ҳимоя қиламиз",- дейди Абдурауф Бўриев

"Аввало барчани ғалаба билан табриклайман. Бу ютуқ мухлисларники. Пенальтилар сериясида омад муҳим аҳамият касб этади. Омадимиз келди.  Футболчилар чарчаб қолишди, деб ўйлаймайман. Чунки 120 дақиқан ошиқ бир киши кам бўлиб ўйнадик. Очиғи кўп куч сарфланди. Навбатдаги учрашувга қадар тезда тикланишимиз лозим. Ярим финалда ким рақиб бўлишидан қатъий назар ўз ўйинимизни кўрсатсак финалга чиқамиз",- дейди Аббос Файзуллаев.