Михаил Наумов: “Ғалаба қозонишимиз ҳам мумкин эди”

Учрашувдан кейин самарқандликлар посбони Михаил Наумовнинг фикрлари билан қизиқдик.

- “Нефтчи”га қарши қизиқарли ўйин ўтказдик. Ҳар иккала жамоада ҳам дарвозани ишғол қилиш учун бир қатор имкониятлар бўлди. Хусусан, биринчи бўлимда меҳмонлар устунликка эга бўлган бўлса, танаффусдан кейин бизда гол уриш имконияти кўпроқ бўлди. Айниқса, ўз дарвозамиздан тўп олиб чиққанимиздан сўнг “Нефтчи” дарвозаси олдида етарлича хавфли вазиятларни яратдик. Нафақат ҳисобни тенглаширишимиз, балки ғалаба қозонимиз ҳам мумкин эди, аммо вазиятлардан фойдалана олмадик.

Шу куни қайсидир маънода “Нефтчи”га тажриба, бизга тажрибасизлик панд берди, лекин бу ерда кўпроқ жисмоний тайёргарлик асосий ролни ўйнади. Биз учун ҳали мавсум бошланмагани ва жисмоний ҳолатимиз мукаммал даражада эмаслиги кўриниб қолди. Ўзбекистон Кубогини тарк этдик. Энди бор эътиборимизни Ўзбекистон Биринчилиги баҳсларига қаратамиз.