Latest news

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  4 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  20 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Мишель Платини: “Пулга муҳтож бўлмаганман” News

Мишель Платини: “Пулга муҳтож бўлмаганман”

УЕФА президент Мишель Платини ўзи эгаллаб турган лавозимдан четлатилганига муносабат билдириб, молиявий қаллобликда айбланаётгани юзасидан Франциянинг “Le Monde” нашри саволларига жавоб қайтарди.


Платини Блаттер ўзига тўлаган 2 миллион франк маблағ юзасидан батафсил тўхталиб ўтишга ҳаракат қилди.


– ФИФА президенти Йозеф Блаттер сизга икки миллион франкни ҳеч қандай шартномасиз, 9 йил аввал тугаган шартнома юзасидан тўлаши қандай содир бўлди?

– Воқеа ғалати кўриниши мумкин, лекин барчаси қандай кечган бўлса, шундай айтаман. 1998 йил мен жаҳон чемпионати ташкилий қўмитаси президенти бўлгандим. ФИФАга янги президентлик сайловлари арафасида Блаттер мени хонасига чақирди. У менга маслаҳатчиси бўлишни таклиф қилди ва мендан қанча маош исташимни сўради. Мен жавоб бердим: “Миллион”. Бунга жавобан у маошни қайси валютада хоҳлаётганим билан қизиқди – рубл, лир ёки доллар? Кейин бир йил учун бир миллион Швнйцария франкига тенг маблағ тўлашга рози бўлди.

– Блаттернинг сўзларига ишондингизми? Сиз жуда ўзига бино қўйган инсонсиз ёки эҳтиётсизлик қилгансиз.

– Блаттер менга эркакчасига ваъда берганди. У ФИФА президентига айланди, ФИФА! Унга ишондим. Ҳар қандай ҳолатда, тушунишим бўйича, Швейцария қонунларида оғзаки ваъда ёзмасига тенглаштирилган. Нима бўлганда ҳам у ФИФА президенти бўлди ва сентябрь ойидан мен ишимни бошладим.

– Қандай иш учун бунча маош олишингиз лозим эди?

– Тақвимни ислоҳот қилиш устида ишладим, шунингдек, ФИФАнинг камбағал мамлакатлар футбол федерацияларига ёрдам ва кўмак берадиган лойиҳаларида қатнашдим. Блаттерга сафарлари давомида ҳамроҳлик қилдим. Қисқача айтганда, кўп ишладим ва буни кўплаб инсонлар тасдиқлашлари мумкин.

– Барибир бу нима учун Блаттер сизга 1998-2002 йилларда амалга оширилган иш учун 2011 йил пул тўлаганини тушунтирмайди.

– Дастлабки ойларда маошимни сўрамасдан ишладим. Бир қанча вақтдан кейин Блаттердан пул ҳақида сўраганимда шундай жавоб берди: “ФИФА бош котиби 300 минг олаётган ҳолда сизга 1 миллион тўлай олмайман. Сизга ҳам шундай шартнома берамиз ва қолганини кейинроқ тўлаймиз”. Бу ростдан ҳам содир бўлди.

– Сиз 9 йил кутгач, унга қарзи ҳақида эслатдингизми?

– 2002 йил июнда Блаттерга ишлашни тўхтатдим. Ўшанда ФИФАнинг ижроия қўмитаси таркибига киргандим. Пулга муҳтож бўлмаганим сабабли шунча пайт кутдим. Мен пул топишни 17 ёшимда бошлаганман. Футболда пул олиш мумкинлигини ўйламагандим ҳам. Отам математика ўқитувчиси эди ва “Нанси”да ўйнаганимда шундай сўраганди: “Унга футбол ўйнагани учун пул берасизми?” Ишонинг, молиявий томондан муҳтожлигим бўлмаган.

– Пулларингиз билан нима содир бўлди?

– ФИФАнинг молиявий бўлимидан Блаттер менга қарз бўлган суммани тўлаб беришни сўрадим. У менга ишлаган 4 йилимнинг ҳар йили учун 500 минг франкдан қарз бўлганди. Шу сабабли 2 миллион франк жўнатди. Бу суммадан солиқларни тўладим.

– Швейцария суди Қатарда 2022 йил ўтадиган жаҳон чемпионати учун берилган овозларга пора олинганлик юзасидан қизиқиб кўрди. Сиз ушбу давлатга овоз берганингиздан афсусланмайсизми?

– Йўқ. Мен ростдан ҳам Қатарга овоз берганман. Футбол энди ривожланаётган ва ҳали мундиал бўлмаган ҳудудда чемпионат ўтишини истаганман.


Беҳзод Назаров тайёрлади.

Rating:    

Comments

championat.asia
< show latest news
Яндекс.Метрика