Мишель Платини: «ФИФАга янги ҳаво керак»

– Блаттер яна ФИФА президентлигига қайта сайланишини истармидингиз?

– Мен олдин ҳам айтганман, ҳозир ҳам айтаман ФИФАга янги раҳбар керак. Аввалги сайловларда мен Блаттерни қўллаб-қувватлаганман. Лекин бу сафар ундай бўлмайди. ФИФАга янги ҳаво керак.

– Нега унда ўзингиз ўз номзодингизни қўймадингиз?

– Мени олдимда УЕФА ёки ФИФАни танлаш имконияти бор эди ва мен бу борада ўз қароримни билдирганман. Мен УЕФА танловида қолганман. Бу ерда энг яхши жамоалар ва энг зўр футболчилар иштирок этишади. Энг йирик мусобақалар ҳам УЕФАга тегишли. Мен сиёсатчидан кўра кўпроқ футбол одамиман.

– ФИФАда коррупция билан боғлиқ муаммолар борми?

– Ростини айтадиган бўлсам, бу ҳақида аниқ нарса билмайман. Аниқ маълумотлар менда йўқ. Балки шундайдир. Агарда мен овоз берган Қатарда ўтадиган мундиал борасида муаммолар бўладиган бўлса, унда ҳаммаси қайтадан кўриб чиқилиши мумкин.