Мирзоҳид Ғофуров: “Водий дербиси” доимо кескин курашлар остида ўтади”

"Ўзингизга маълум, “водий дербиси” баҳслари жамоалар турнир жадвалида қайси ўринда бораётганидан қатъий назар, доимо кескин курашлар остида ўтади. Бу сафарги ўйин ҳам бундан мустасно бўлмайди, албатта.Шу боис, бўлажак баҳсга жиддий тарзда тайёргарлик кўрдик.

Гарчи “Андижон” жорий мавсумни омадсиз ўтказаётган, айни пайтда турнир жадвалининг сўнгги поғонасини эгаллаб турган бўлсада, жамоамизга муносиб қаршилик кўрсатишга интилиши тайин. Умуман олганда, бу йил Суперлигада кучсиз жамоа йўқ ва ҳар бир рақибга ҳурмат билан муносабатда бўлиш лозим. 

Умид қиламанки, “Андижон” билан бўладиган дербини томоша қилгани стадионга ташриф буюрадиган ишқибозлар жамоамизни ҳар доимгидек фаол тарзда қўллаб-қувватлашади ҳамда биз – футболчиларга руҳий далда берган ҳолда, ғалаба сари руҳлантиришади.       

Биз ҳам мухлисларнинг ишончларини оқлаб, зафар қучиш учун барча имкониятимизни ишга соламиз",- дейди Мирзоҳид Ғофуров.