Мирзоҳид Ғофуров: “Ҳакам ўйинни қандай бошқарганини ҳамма кўрди”
29 feb 2020 13:38
News

Мирзоҳид Ғофуров: “Ҳакам ўйинни қандай бошқарганини ҳамма кўрди”

Мавсумнинг илк очилиш учрашувида амалдаги мамлакат чемпиони “Пахтакор” ўз майдонида Наманганнинг “Навбаҳор” жамоасини кичик ҳисобда мағлуб этди.

Мазкур беллашувдан сўнг унинг атрофидаги муҳокамалар тўхтаётгани йўқ. Биз эса бу борада “лочинлар” футболчиси Мирзоҳид Ғофуровнинг фикрлари билан қизиқдик.

“Баҳс курашларга бой бўлди. Ҳакамларни ортиқча муҳокама қилмоқчи эмасман. Чунки, ўйинни қандай бошқарганини ҳамма кўрди. Шу куни ишқибозлар бизнинг майдондаги ўн иккинчи ўйинчимиз бўлишди. Доим қўллаб-қувватлаб туришади. Асло ёлғиз қўйишмайди. Қаерда тўп тепсак улар биз билан бирга. Жорий йилдаги биринчи расмий баҳсни ўтказдик. Очиғи, барча катта футболни соғингани кўриниб турибди. Ўзи “Пахтакор” билан ўйинлар шиддатли ва муросасиз кечган. Ўйлайманки, қолган жамоаларга ҳам шундай шиддат таклиф қила оламиз. Насиб қилса бу йил бошқача “Навбаҳор” бўлади”, - деди Ғофуров.