Миржалол Қосимов: "Саркисян фаолиятини "Бунёдкор"да давом эттиради"

Баъзи сайтлар, ушбу хабарни инкор этишга уринишган бўлсада, Миржалол Қосимов мухбиримиз Камолиддин Алимов билан суҳбатда Юрий Вазгеновични шу кунларда расман "Бунёдкор"да фаолият бошлаш арафасида эканлигини тасдиқлади:

- Мансур Саидов ва Шукурали Пўлатовнинг "Бунёдкор"га ўтишини Юрий Саркисян билан боғлашяпти. Гап-сўзларга қараганда, Юрий Вазгенович сизнинг жамоангизда маслаҳатчи мураббий вазифасида ишлар экан. Шу маълумот ростми?
- Инкор этмайман. Юрий Вазгенович бой тажрибага эга мутахассис. Унинг тажрибасидан фойдаланиш керак. Шу мақсадда уни маслаҳатчи мураббий лавозимига таклиф қилганмиз. Шу кунларда келишув расмийлаштирилади.


П.С: Ёдингизда бўлса, мухлисларга мурожаат билан чиққан эдик. Унда "СА"да чиқадиган хабарлар 95%га тўғри бўлиши, фақатгина баъзи ўзгаришлар сўнгги лаҳзага келибгина амалга ошмай қолиши мумкинлигини қайд этган эдик. Куни кеча чиққан Ония борасидаги хабарга ҳам тўхталиб ўтамиз. Африкалик бу футболчи ҳақиқатдан ҳам "Андижон" билан музокара ўтказган ва январь ойидан жамоа таркибига бориб қўшилишга тайёр эканлигини айтиб ўтган. Баъзан футболчилар ўз гапларини жуда тезкорлик билан қайтиб оладилар ва тонадилар. Ундайларга маслаҳатимимз, очиқ ўйин қилинг. Сайтимиз у шоҳдан бу шоҳга ўтиб юрувчи футболчилар орқали рейтинг қилмайди ва унга қараб ҳам қолмаган. Онияни жуда тезкорлик билан жамоасини алмаштира олишини 2012 йил мисолида кўрган эдик. Мавсум оралиғида ҳимоячи бир вақтнинг ўзида ҳам "Бунёдкор", ҳам "Пахтакор" жамоаси билан шартнома имзолаган эди.
 
"СА" - футбол ичидаги сайт.