Миржалол Қосимов: "Иорданиядан ғалаба билан қайтишга ҳаракат қиламиз"

«Биз ўйинга яхши тайёрландик. Биринчи ўйин Иорданияда бўлиб ўтиши кейинги босқчига чиқиш имкониятларимизни оширади, умид қиламанки Тошкентдаги ўйинда керакли натижага эриша оламиз. Барчанинг кайфияти яхши, ўйинга тайёрмиз. Иорданиядан ғалаба билан қайтишга ҳаракат қиламиз", - дейди Қосимов the-afc.com сайтига.

"Ўйинга бир кун қолганида етиб келганимиз муаммо эмас. Хориж клубларида тўп тепаётган футболчилар икки кун олдин сафимизга қўшилишди, шу сабабли ўйинга озгина қолганида келишга мажбур бўлдик.

"Иордания узоқ вақтдан буён ўз майдонида мағлуб бўлмаётганини биламиз, аммо ҳеч нарса абадий эмас. Умид қиламанки айнан биз бунга чек қўя оламиз".

"2005 йил плей-оффда Баҳрайн тўсиғидан ўта олмагандик. Аммо бу сафар Иорданиядан ўтиш учун бор кучимизни ишга соламиз, кейинги босқичга чиқиш учун истак жуда кучли.   Уйда ўйнаймизми ёки сафарда буни унчалик фарқи йўқ, биз ғалаба учун ўйнаймиз", - деб қўшимча қилади 42 ёшли мураббий.

"Ўйинга бир кун қолганида Иорданияга келганимиз муаммо эмас. Бундан олдин ҳам муҳим ўйинларга бир кун қолганида борганмиз. Иорданияга қарши кўп бор ўйнаганмиз, рақибни жуда яхши биламиз. Эртага ғалаба қозониш учун боримизни берамиз ", - дейди Темур Кападзе.