Миржалол Қосимов Дубайда КХДРнинг иккита ўйинини кузатади
29 oct 2014 14:55
News

Миржалол Қосимов Дубайда КХДРнинг иккита ўйинини кузатади

Осиё Кубоги-2015 да биз билан бир гуруҳдан жой олган КХДР терма жамоаси айни кунларда БААда йиғин ўтказмоқда.

Йиғин давомида бир қанча ўртоқлик учрашуви ўтказиш режалаштирилган.

Ўзбекистон миллий терма жамоаси бош мураббийи Миржалол Қосимов рақибни яқиндан ўрганиш мақсадида Дубайга учиб кетди.

Мураббий 31 октябрь кунги КХДР - Қувайт ҳамда 2 ноябрь кунги КХДР - Баҳрайн учрашувларини бевосита стадиондан кузатади.

Худди шу кунлари ФИФА томонидан Малайзияда ЖЧ-2014 якунларига бағишланган семинар ҳам бўлиб ўтади. Унда Қосимовнинг терма жамоадаги ёрдамчиси Бахтиёр Ашурматов иштирок этади.

Бу ҳақда "Бунёдкор" клуби матбуот хизмати вакили Аброр Имомхўжаев ўз твиттерида маълум қилди.

Маълумот учун, ОК-2015да Ўзбекистон терма жамоаси ўрин олган гуруҳда КХДРдан ташқари Хитой ва Саудия Арабистони терма жамоалари ҳам ўрин олган.

Link :

Source : championat.asia

Receive latest football news directly on your phone. Subscribe for our Telegram channel!

Rating: