Миржалол Қосимов: "Яратилган вазиятларни голга айлантиришда оқсаяпмиз"
11 aug 2017 21:50
News

Миржалол Қосимов: "Яратилган вазиятларни голга айлантиришда оқсаяпмиз"

Олий лиганинг 17-тури доирасидаги "Бунёдкор" - "Олмалиқ" (1:0) учрашувидан кейин ташкил этилган матбуот анжуманида "қалдирғочлар" бош мураббийи Миржалол Қосимов қатнашди.

- Натижа биз учун қониқарли бўлди. Бугун янада кўпроқ гол уришимиз мумкин эди. Аммо ҳар доимгидек гол уришда оқсоқландик. Ҳужумларни самарали якунлашда камчиликлар учрамоқда. "Олмалиқ"нинг ўйин услубини яхши ўрганиб чиққандик. Бугун бу ҳам бизга қўл келди.

Ўйин стадионга ташриф буюрган мухлисларга манзур бўлди, деб ўйлайман.

Отабек Шукуровнинг ўйинини яхши баҳолайман. АЛбатта, охирги учрашувларда у катта ўсишга эришмоқда. Авваллари ўз жойида эмас, яъни ҳимояда ўйнашга мажбур бўлаётганди. Ярим ҳимояда эса ўзини яхши ҳис этмоқда. Бу билан тўхтаб қолмаслиги керак. Отабек Шукуров ўз устида ишлашда давом этиши лозим.

Link :

Source : championat.asia

Receive latest football news directly on your phone. Subscribe for our Telegram channel!

Rating: +9