Миржалол Қосимов "Шўртан" билан ўйиндан сўнг нималар деди?

"Шўртан"ни ғалаба билан табриклайман. Биз бугун мағлубиятга лойиқ эмасдик. Бугунги баҳс мухлисларбоп бўлди. Тезлик ва шиддатли учрашув гувоҳи бўлдик. Кўплаб вазиятлар яратдик, аммо футбол бешафқат. Агар яратган вазиятлардан тўғри ва унумли фойдаланганимизда 3-4та гол уришимиз мумкин эди.

Қувонтирадиган жиҳати сўнгги сонияга қадар футболчиларимиз курашишди. Мухлислар бугунги ўйиндан хурсанд бўлиб кетишди.

Ғалаба ва мағлубият ёнма ён юради. Шу ўйин орқали ўз хатоларимиз устида ишлашга ҳаракат қиламиз.

Биз энг юқори мақсадларни ўз олдимизга қўйганмиз. 16-17 ёш бўлса уларни ёш футболчи деса бўлади, 20 ёшдан ўтдими бундай деб бўлмайди. Уларга ғолиблик руҳиятини қайтаришимиз керак. Бунга вақт керак.

Кейинги мавсумда ОЧЛга йўлланма олишни мақсад қилаяпмиз. Кубок орқали бўладими ёки чемпионатми фарқи йўқ", - дейди Миржалол Қосимов.

Фаҳриддин Чориев ёзиб олди