Миржалол Қосимов: "Рақиб имкониятларидан фойдаланганда, бугун мағлуб бўлишимиз ҳам мумкин эди"
14 may 2023 23:40
News
![](https://championat.asia/upload/storage/750731_original.jpg)
![](/upload/storage/750731_220.jpg)
Миржалол Қосимов: "Рақиб имкониятларидан фойдаланганда, бугун мағлуб бўлишимиз ҳам мумкин эди"
Ўйин ҳақида
- Сўзни Биродар Абдураимовни 80 йиллик юбилейлари билан табриклашдан бошламоқчиман. Ушбу тадбирда қатнаша олмадим. Биродар Абдураимов ўз даврида ўзбек футболи афсоналаридан бири бўлган. Аллоҳ берган умрни халқнинг ардоғида ўтказишларини тилаб қоламан. Ўйинга келсак, икки хил бўлим. "Анжидон"га қарши кучли тайёргарлик олиб боргандик. Сабаби, улар зич ҳимояланади ва иккинчи рақамда ўйнайди. Биринчи бўлимда айб ўзимизда бўлди. Оддий тўп узатмасида хатоларга йўл қўйдик. Деярли ҳамма бу хатони қилди. Кийиниш хонасида ҳам бу нарсани айтиб ўтдим. Шу нарсани иккинчи бўлимда ўзгартирдик. Хомяковни биламан, унинг жамоалари жуда тартибли ҳимояланади. Унинг жамоаси ҳар сафар жуда интизом билан ўйнайди. Бу каби жамоаларга қарши ўйнаш жуда оғир. Лекин, барибир ғалаба қозона олдик. Бу ўйинда мағлуб бўлишимиз ҳам мумкин эди, чунки ҳужумга ўтканимизда барибир бўшлиқлар пайдо бўлади. Бугун шундай имкониятлардан рақиб фойдалана олмади.
- "Андижон" зич ҳимояланади. Лекин, биринчи бўлимда "Андижон"да вазиятлар кўп бўлди ва ўйинни назорат қилишга уринди. Бу сизга кутилмаган ҳолат бўлмадими?
- Боя айтиб ўтдим. Оддий вазиятдан гол ўтказдик. Айтганимдек, агар ҳар бир футболчи икки мартадан ҳам тўп йўқотса, бу 20 та вазият дегани. Албатта, бундай ҳолатда рақибда имконият бўлади. Кўрган бўлсангиз, голдан кейин бошқача ҳаракатландик. Яна гол киритдик, аммо офсайд эди. Айнан шундай ҳаракатланишни ўйин бошидан бошлаш керак эди.
- Анзур Исмоилов биринчи ва иккинчи бўлимда қандай функцияни бажарди? Биз унинг ҳужумга қўшилганини кўрдик...
- Улар бир бирларини тўлдиришади. Рақиб иккинчи рақамда ўйнади. Ҳимояни ёриб ўтиш қийин бўлди. Шу сабаб ҳам иккинчи ҳужумчини майдонга туширдим. Менимча, бу ўзини оқлади. 0:1 ёки 0:2 фарқи деярли йўқ.
- Икки йил олдин Олмалиқдаги ўйинда 0:2 ҳисобида ютказаётган ОКМК, якунда 3:2 ҳисобда ғалаба қозонган. Ўшанда ҳам Боаке ўйин тақдирини ҳал қилган. Бугун ҳам шундай бўлди. Ўйин олдидан Боакега қандайдир кўрсатма берганмидингиз?
- Йўқ, у ўз ишини қилмоқда. Ўйиндан олдин ҳаммага бирдек кўрсатма берилган. Рақиб жуда зич ҳимоялангани учун узун узатмалар билан ҳаракат қилдик. Ҳужумчи ўз жойида, ўз ишини қилиши керак. У ҳужумчи бўлгандан кейин гол уриши лозим. Бу ерда бошқа нарса йўқ.
Similar news
![AMP Logo](https://championat.asia/image/logo-amp.png)
Comments