Миржалол Қосимов: "Ўзбекистон кубогидаги минимал вазифани бажариб, гуруҳдан чиққанимиз билан ишқибозларимизни табриклайман!"
19 apr 2022 21:25
News

Миржалол Қосимов: "Ўзбекистон кубогидаги минимал вазифани бажариб, гуруҳдан чиққанимиз билан ишқибозларимизни табриклайман!"

Ўзбекистон кубоги 3-туридан ўрин олган АГМК – "Зомин" (4:1) баҳсидан кейин мезбонлар бош мураббийи фикрларини билдириб ўтди.

"Ўйин қизиқарли ва ҳужумкор руҳда ўтди. Ишончли ғалаба эришиб, мухлисларга қувонч бағишлаганимиздан хурсандман. Ўзбекистон кубогидаги минимал вазифани бажариб, гуруҳдан чиққанимиз билан ишқибозларимизни табриклайман!

"Зомин" жамоаси ҳам бугун етарлича қаршилик кўрсатишга уринди, ўтган ўйинларда бекорга очко олмаганини исботлади. Лекин биз рақибни кераклигича ўрганиб, уларга қарши аниқ режа асосида ўйнадик. Ўйин учун футболчиларга миннатдорчилик билдираман.

Жамоамиз ўйиндан-ўйинга ўз футболини яхшилаб, керакли натижаларга эришмоқда. Буёғига Суперлига ўйинлари давом эттирилади. Яқин 1 ой давомида чемпионат доирасида 7 ўйинда иштирок этамиз. Навбатдаги учрашувларга жиддий тайёргарлик кўрамиз ва мухлисларни хурсанд этиш учун ишлаймиз", – деди олмалиқликлар устози.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5