Миржалол Қосимов: "Ўйинни кўриш учун стадионга келган мухлислар ютди"
01 nov 2018 21:11
News

Миржалол Қосимов: "Ўйинни кўриш учун стадионга келган мухлислар ютди"

Суперлигасининг 28-туридан ўрин олган "Бухоро" - "Бунёдкор" (0:2) ўйинидан сўнг "қалдирғочлар" устози Миржлол Қосимов ўйин ҳақида ўз фикрларини билдириб ўтди.

"Ўйлайманки, ўйинни кўриш учун стадионга келган мухлислар ютди. Сабаби, ўйин шиддатли, очиқ ва томошабоп бўлди. "Бухоро" жамоаси ҳам бир неча марта қулай имкониятлардан фойдалана олмади. Бизнинг футболчилар ҳам вазиятларни кўкка совуришди.

Драматик ўйин гувоҳига айландик. Сўнгги дақиқаларда иккинчи сариқ карточка билан қизил карточка олиб майдонни тарк этган футболчи "Бухоро"га панд берди ва натижага таъсир кўрсатди. Ўз навбатида биз ҳам сўнгги дақиқагача курашдик ва ғалаба қозондик.

Совуқ об-ҳавога қарамасдан стадионга келган мухлисларга раҳмат. Қолаверса пойтахтдан бизни қўллаб-қувватлаш учун етиб келган мухлисларимизга ҳам алоҳида миннатдорчилик билдираман", - дейди Миржалол Қосимов.