Миржалол Қосимов: “Ўйин дурангга мос эди, аммо...”

-Учрашув қийин кечди. “Қизилқум” яхши, тажрибали футболчилардан ташкил топган. Жамоа қарши ҳужумда ҳаракат қилиб, гол уриш учун яхши имкониятлараг эга бўлди. Олдинги чизиқда Сидоров ҳаводаги курашда ҳимоячиларимизга қийинчилик туғдирди. Қолаверса, бўлим охирида Дониёр Усмоновнинг зарбаси голга айланмай қолди ва дарвоза устунига тегди. Фикримча, шогирдларим иккинчи бўлим ўрталарига келиб ўзимиз кутган ўйинни намойиш эта бошлашди ва ўйин охирида гол уриб, ғалабага эришдик. Умуман бугунги ўйин дурангга мос эди. Бугунги учрашув  тарихга айланди ва биз кейинги ўйинга тайёргарлик кўришимиз лозим.

-Иккинчи бўлим ўртасида “Қизилқум”нинг етакчи футболчиси Григалашвили майдонни тарк этгач, мезбонларнинг ўйини бироз сусайди. Жамоангиз айнан ўша дақиқалардан ташаббусни ўз қўлига олишни бошлади..

-Ҳақиқатан ҳам уларда биринчи бўлимда гол уриш учун имконият бўлди. Айниқса, ўша Усмоновнинг зарбаси голга айланганда, ҳисоб бошқача кўриниш олиши аниқ эди. Қолаверса, бугун “Қизилқум”нинг етакчи футбочлиси Эркин Бойдуллаевнинг майдонда йўқлиги ҳам барибир жамоа ўйинига ўз таъсирини ўтказди. Мезбонларда  ўйинни бошқара оладиган футболчи етишмади. Биз гарчи тўп билан муомалада устунлик қилган бўлсакда, бу биринчи бўлимда самара келтирмади.