Latest news

17:28"CAFA Nations Cup-2025". Қирғиз Республикаси — Туркманистон 0:0 (онлайн ҳисоб)  6 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  3 15:37"Челси" — "Фулхэм". Таркиблар маълум  5 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  0 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  2 14:41Расман: Нкунку "Челси"дан "Милан"га ўтди  1 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  1 12:45Ўзбекистон терма жамоаси октябрь ойида Малайзияда Уругвай билан ўйнайди   12 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  7 12:13"Барселона" ва яна учта клуб "Интер" футболчисига даъвогарлик қилмоқда  1 11:48Хойлунднинг янги клуби маълум  1 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  5

Миржалол Қосимов: "Ғалабани Комбинатнинг 70 йиллик юбилейига бағишлаймиз" News

Миржалол Қосимов: "Ғалабани Комбинатнинг 70 йиллик юбилейига бағишлаймиз"

АГМК бош мураббийи Миржалол Қосимов Суперлига 22-тур доирасидаги "Бунёдкор" (2:0) устидан қозонилган ғалабадан кейин матбуот анжуманида журналистлар саволларига жавоб қайтарди.

Миржалол Қосимов: - Муҳим ўйинда ғалабага эришдик. Ушбу ғалабани Олмалиқ Кон Металлургия Комбинатининг 70 йиллик юбилейига бағишлаймиз! Мухлисларимизни ҳам ғалаба билан хушнуд этганимиздан хурсандмиз. Ҳар қандай жамоага мухлислар далдаси муҳим. Олмалиқдан келган ишқибозларнинг олқиши футболчиларга завқ беради. 

Дарвозабонлар ўртасидаги рақобат? Йил бошида кўплаб дарвозабонларга имкон бердик. Хатолар юзага келди. Ҳозирги кунда Султоновнинг ҳолати яхши. Умуман бу чизиқда яхши рақобат вужудга келган. Рақобат бор жойда эса ўсиш кузатилади. 

Мавсум ўртасидагига нисбатан ҳозирги жамоа тажовузкор ва жўшқин кўринмоқда? Қисқа фурсат ичида жамоани шакллантириш қийин. Ҳар қандай инсон янги коллективга келганидан кейин бегона жойга тезда киришиб кетмайди. Умуман ҳар қандай соҳада шундай. Йил бошида жуда кўп хатолар қимматга тушди. Оддий вазиятлардаги хатолар, дарвозабонлардан бошлаб, ҳужумчиларга қадар беқарор кўринганди. Умуман футболда омад деган тушунча керак. Баъзи вазиятларда эса омад кулиб боқмади. 

Янги жамоани қуриш учун вақт керак. Ҳозирги пайтда футболчилар ёмон ҳаракат қилишмаяпти. Умуман футболни юқори иштиёқ билан ўйнаш керак. Барчага завқ улашувчи ўйиндан роҳат олишни билиш керак. Ўшанда нимагадир эришиш мумкин.

Кубок финалидаги рақиб ҳақида? "Пахтакор" юртимиздаги энг номдор ва кучли жамоа. Улар бежизга чемпионат якунига 7 тур қолганида чемпион бўлишгани йўқ. Қолаверса "Пахтакор"да юқори малакали футболчилар йиғилган. Гарчи рақиб кучли бўлсада, биз уларга қарши кўл остимдаги футболчилар билан тайёргарлик кўрамиз. АГМКдаги баъзи футболчилар Ўзбекистон кубоги соҳибига айланган, баъзилар эса йўқ. Майдонда ўз кучимизни синаб кўрамиз. Лекин ҳали финал ҳақида ўйлашга эрта. Чунки олдимизда яна бир муҳим баҳс, "Динамо"га қарши Лига Кубоги ярим финал баҳси кутмоқда. 

Футбол фақат ҳужумдан иборат эмас. Ҳимоячилар ҳужум пайтида жамоага ёрдам беради. Ҳужумчилар ҳам керак пайтда ҳимояга қайтиб, мудофаа чизиғи вакилларига кўмак бериши лозим. Элгужа Григалашвили ҳимояга қайтиб ўйнаётгани учун ҳужум пайтида чарчаб қолмоқда, деб ўйламайман. Унинг жисмоний ҳолати яхши. Тўғри, ҳужумкор футболчи қолганларга нисбатан очкўзроқ бўлиши лозим. Лекин қаерда нима қилишни билиш керак. Элгужа Григалашвили бир вазиятда масъулиятни ўз бўйнига олишдан кўра очилиб турган жамоадошларига тўпни узатганида, балки ҳисоб йириклашиб кетиши мумкин эди. Элгужа Григалашвили ўзига қўйилган кўрсатма ва талаб қилинаётган вазифаларни яхши адо этмоқда. 

Абрамовнинг терма жамоага бош мураббий бўлгани "Бунёдкор" ўйинига таъсир қилдими? Йўқ, мен ундай деб ўйламайман. Ташқаридан ҳамма нарса осон кўринади. Барибир буни ичкарида ҳис қилган бошқа. Шу боисдан бу ҳақида бирор нарса дейиш мушкул. Абрамов бошчилигидаги терма жамоамизга омад тилайман.

Rating: +15   

Comments

championat.asia
< show latest news
Яндекс.Метрика