Мирислом Ҳасанов: “Бахтиёр Ашурматовдан кейин жамоани қабул қилиб олиш қийин бўлмади”

- Бугунги учрашув икки жамоа учун ҳам жуда қийин ўтди. Сабаби “Динамо” ҳам, биз ҳам фақат ғалабани кўзлаган эдик. Фикримча, ўйин давомида бизда кўпроқ голли вазиятлар юзага келган эди, аммо голли вазиятлардан унумли фойдалана олмадик. Ўйин учун йигитларимизга раҳмат дейман. Сабаби икки жамоа ҳам гол урилмаган бўлса-да, мухлисларга ёқадиган ўйин кўрсатиб беришди. Энди кейинги учрашувга жиддий тайёргарлик кўриб, фақат ғалаба қозонишга интиламиз.

- Бахтиёр Ашурматов жамоани тарк этганидан сўнг, жамоани қабул қилиб олдингиз. Суперлигадаги дебют ўйинингиз борасида нима дея оласиз?
- Бахтиёр Ашурматовдан кейин жамоани қабул қилиб олиш қийин бўлмади. Йигитлар машғулотларда бор куч ва имкониятларини ишга солиб, яхши ишлашди. Бутун жамоа бир оилага айланиб, фақат ғалаба учун интилаяпмиз.

- Бугун ҳисоб очилмаган бўлса-да, икки жамоада ҳам голли вазиятлар талайгина бўлди. Сизнингча, жамоа бир очко қўлга киритдими ёки икки очко йўқотдими?
- Фикримча, икки очко йўқотдик. Сабаби қатор голли вазиятларни голга айлантира олмадик. Бугун омад бизга кулиб боқмади. Йигитлар ўйинидан қониқдим. Улар бор куч ва имкониятларини ишга солишди.

Усмон Ибодов ёзиб олди.