Latest news

22:18Суперлига. “Сурхон” мавсумдаги илк ғалабасини 9 киши бўлиб қолган “Қўқон-1912” устидан қўлга киритди   37 22:09Саудия Арабистони. "Ал Ҳилол" - "Ал Насср" учрашуви асосий таркиблари маълум!  0 21:57Улуғбек Бакаев: "Бунёдкор" ғалабани кўпроқ истаган шекилли, омад уларга кулиб боқди"  1 21:43Карло Анчелотти: "Мбаппе билан ҳужумимиз кучайди, бироқ..."  2 21:16Рубен Аморим: "Мен келаси йилдаёқ АПЛни ютамиз демаганман"  1 20:49Ислом Исмоилов: "Хитойга қарши ўйин осон ўтмайди"  3 20:22"Реал"нинг март ойидаги энг яхши футболчиси эълон қилинди  4 19:55Суперлига. "Бунёдкор" "Бухоро"ни мағлуб этди ва пешқадамга айланди  30 19:51Англия Кубоги ярим финалининг тақвими тасдиқланди. "Манчестер Сити" учрашуви қайси вақтда бошланади?  6 19:30Эшпириту Санту ушбу мавсумда 3-марта АПЛда ойнинг энг яхши мураббийи деб топилди  0 19:06ЎФА ва "Локомотив" Равшан Муқимовни тақдирлади  0 18:54Ўзбекистон Кубоги. "Хоразм ФА" ишончли ғалабага эришди, "Лочин" "Дўстлик" билан ўйинда камбэк қайд этиб, Суперлига жамоалари билан тўқнаш келадиган бўлди  2 18:14"Барса" яна молиявий муаммолар гирдобида: клуб Ямални сақлаб қолиш учун Араухони сотишга мажбур  37 17:45"Ливерпуль" ва "Челси" испаниялик футболчи трансфери учун курашга киришмоқда  1 17:04Нодирбек Абдураззоқов: "ОКМКни мавсум бошида ҳеч ким эсламайди, бу ҳолат менга ёқмайди"  1

Мино Райоланинг "сигирлари" News

Мино Райоланинг "сигирлари"

Асли келиб чиқиши италиялик бўлган 52 ёшли нидерландиялик агент Мино Райолани барча футбол мухлислари яхши танийди.

Айрим мухлислар уни ёмон кўришса, баъзилари агентнинг ишбилармонлигига қойил қолади.

Қайд этиш керак, унинг топ-мижозлари нархи анчагина юқори. Унинг йирик трансферлари нархини умумий ҳисоблаганда 660 млн еврони ташкил қилади. Ҳа, биз уларнинг фақатгина трансфер нархини биламиз. Райола ушбу трансферлардан катта сумма ишлаб олади.

15. Альфонс Ареоля – 16 млн евро

27 ёшли француз аслида ПСЖга тегишли. Ҳозирда у ижара асосида "Реал" таркибида ўйнамоқда.

14. Кэлвин Стенгс – 20 млн евро

21 ёшли футболчи "АЗ Алкмаар" жамоаси футболчиси. Ҳозирги пайтда у ушбу жамоа таркибида ўйнамоқда. Яқин вақтларда у ҳам катта жамоаларга юқори суммада пулланиши кутилмоқда.

13. Генрих Мхитарян – 25 млн евро

31 ёшли футболчи Арманистон терма жамоаси футболчиси ва айни дамда "Рома" таркибида ўйнамоқда. Райола ортидан у тез-тез жамоасини ўзгартириб турибди.

12. Жастин Клюйверт – 25 млн евро

Патрик Клюйвертнинг 20 ёшли ўғли Нидерландия термаси ва "Рома" футболчиси ҳисобланади. Унга кўплаб катта клублар харидор бўлиб туришибди.

11. Дониэлл Мален – 28 млн евро

21 ёшли ПСВ футболчисига "Барселона" ва "Реал" қизиқиш билдираётгани Райоланинг яқин вақтлар ичида катта сумма ишлаб олишини билдиради.

10. Мойзе Кин – 28 млн евро

20 ёшли италиялик футболчи ёзги трансферлар ойнасининг сўнгги кунларида "Эвертон"га ўтди. Унинг трансферидан Мино катта сумма ишлаб олди.

9. Маркус Тюрам – 28 млн евро

13 млн евро эвазига Менхенгладбахнинг "Боруссия"сига ўтганди. Мино трансфердан 2 млн евро комиссия пул олган. Маркус 22 ёшда.

8. Ирвинг Лосано – 35 млн евро

24 ёшли мексикалик футболчи айни дамда "Наполи" таркибида ўйнамоқда. У 2019 йили 45 млн евро эвазига ПСВдан Италияга кўчиб ўтганди. Ирвинг терманинг асосий футболчиларидан бири ҳисобланади.

7. Константинос Манолас – 40 млн евро

28 ёшли грек Лосанонинг жамоадоши ҳисобланади. "Наполи" ушбу ҳимоячини "Рома"дан 36 млн еврога сотиб олганди.

6. Алессио Романьоли – 45 млн евро

25 ёшли италиялик 2015 йилдан буён "Милан" футболчиси ҳисобланади. У "Сампдория"дан миланликлар таркибига ўтган.

5. Жанлуижи Доннарумма – 55 млн евро

21 ёшли кипер "Милан"дан кетмаган. Унинг клуб билан шартномаси 2021 йил ёзига қадар давом этади. Катта эҳтимол билан Райола уни жамоадан олиб кетади.

4. Лоренцо Инсинье – 60 млн евро

28 ёшли ҳужумчи "Наполи"нинг асосий футболчиларидан бири ва Райолага катта маош тўлайдиган кам сонли футболчилардан.

3. Марко Верратти – 75 млн евро

27 ёшли италиялик футболчи Италия термаси ва ПСЖнинг марказида ўйнайди. У 2012 йилда "Верона"дан Париж жамоасига ўтганди.

2. Эрлинг Холанд – 80 млн евро

19 ёшли ҳужумчи қишки трансферлар ойнаси вақтида "Манчестер Юнайтед"ни эмас, Дортмунднинг "Боруссия"сини танлади.

1. Поль Погба – 100 млн евро

27 ёшли франциялик Райоланинг асосий мижози ҳисобланади. 2016 йилнинг ёзига қадар у "Ювентус"да ўйнади ва кейинчалик 100 млн евро эвазига "Манчестер Юнайтед"га қайтганди.

Rating: +7   

Comments

championat.asia
< show latest news
Яндекс.Метрика