Миллий терма жамоа «ЖАР» стадионида машғулотларга киришди (фотогалерея)

Ўзбекистон миллий терма жамоаси 12 август куни Тошкент навбатдаги йиғинини бошлади. Режага кўра, терма жамоа аъзолари 14 августгача Тошкентдаги «ЖАР» стадионида машғулот ўтказади. ЎФФ терма жамоалар маркази директори Асқар Толибжоновга кўра, ушбу йиғин давомида миллий терма жамоа маҳаллий клублардан бирига қарши ўртоқлик-назорат учрашувини ўтказиши режалаштирилган. Миллий терма жамоа бош мураббийи Миржалол Қосимов мазкур йиғинга жами 26 нафар футболчини таклиф этган.

Қуйида, «ЖАР» стадионида бўлиб ўтган миллий терма жамоа машғулотининг илк кунидан фотосуратларни томоша қилишингиз мумкин. Суратлар муаллифи, ЎФФ расмий фотомухбири Ҳасан Пирмуҳамедов.