Милитао жароҳатидан сўнг сафга қайтишга яқин

"Реал" ҳимоячиси 2024 йил 9 ноябрь куни "Осасуна"га қарши ўйинда (4:0) хочсимон пайларини узиб олган эди.

AS нашри хабар беришича, Милитаонинг тикланиши муваффақиятли кечмоқда - у март ойида тўп билан машғулотларни бошлади ва ҳозирда юқори тезликли машқларни бажара олмоқда. Режага кўра, яқин кунларда бразилиялик футболчи "Реал"нинг умумий гуруҳида қисман шуғуллана бошлайди. Унинг тўлиқ қайтиши май ойининг охирига кутилмоқда.

Taъкидланишича, Милитао жорий Ла Лига мавсумида "Реал" сафида ўйнаши даргумон, бироқ ҳамма нарса бразилиялик футболчининг июнь-июль ойларида АҚШда бўлиб ўтадиган клублар жаҳон чемпионатига тайёр бўлишини кўрсатмоқда.

Эслатиб ўтамиз, "Реал" жамоасида Милитаодан ташқари яна 4 нафар асосий таркиб ҳимоячилари - Даниэль Карвахал, Антонио Рюдигер, Ферлан Менди ва Давид Алаба ҳам жароҳат олган.