“Милан” собиқ ҳимоячиси Истанбулдаги финални эслаб: “Бу даҳшат эди”

“Россонерилар” илк таймдан кейин рақиблари устидан 3:0 ҳисобида зафар қучишаётганди, аммо “қизиллар” танаффусдан кейин ҳеч ким кутмаган ҳолда мувозанатни тиклашган ва баҳсни пенальтилар сериясигача олиб бориб, титул соҳибига айланишган эди.

“Бу даҳшат эди. 1999 йил “Манчестер Юнайтед” таркибида треблга эришганман, аммо одамлар мендан бу ҳақда эмас, “Ливерпуль”га қарши ўйиннинг танаффуси вақтида нима бўлганини сўрашади. Йиллар давомида турли хил ҳикоялар пайдо бўлди, лекин уларнинг бари ёлғон. Карло Анчелотти бизга шундай руҳда давом этишимиз кераклигини айтган. Бироқ, биз 6 дақиқада 3та гол ўтказиб юбордик ва бундан қутила олмадик”, деб эслайди Стам.