"Милан" мухлислари Шевченкога атаб баннер кўтаришди
14 jan 2022 09:40
News

"Милан" мухлислари Шевченкога атаб баннер кўтаришди

Кеча Италия кубоги доирасида "Милан" ва "Женоа" жамоалари ўйини бўлиб ўтди (3:1).

Мезбон мухлислар учрашувда ўз вақтида "Милан" шарафини ҳимоя қилган, ҳозирда "Женоа" бош мураббийи сифатида ишлаётган Андрей Шевченкога бағишлаб баннер кўтаришди.

Унда қуйидаги ёзувлар бор эди: "Бу узоқ муҳаббат тарихи. Манчестердаги нигоҳлар қалбимизга муҳрланган. Шева - афсона".

Мухлислар 2003 йилги ЕЧЛ финалида "Ювентус"га қарши ўйиннинг пенальтилар сериясини назарда тутишган.

Шунингдек кеча ўйин бошланишига яқин "Сан-Сиро"даги мухлислар украиналик мураббийнинг исмини айтиб, олқишлади.