Latest news

12:14Бруну Лаже "Челси"дан учралган мағлубиятга изох берди  0 11:52Рейна ўз давридаги энг кучли дарвозабонларни санади  0 11:25Энцо Мареска: "Челси" сўнгги ойдаги энг зўр ўйинини ўтказди"  0 10:43МЮ “Реал“ футболчисига расмий таклиф билан чиқди  0 10:10“Челси“ “Боруссия Д“ футболчисини сотиб олишга яқин  1 09:38Нико Уильямс “Барселона“га талаб қўйди  6 09:05Суперлига. Бугун 14-тур давом эттирилади  2 08:34"Нефтчи" собиқ футболчисини ортга қайтармоқчи  4 08:03Бугун аёллар терма жамоамиз Осиё кубоги саралашдаги юришини бошлайди  3 07:40Клублар ўртасидаги ЖЧ. "Челси" "Бенфика"ни йирик ҳисобда мағлуб этиб, чорак финалга йўл олди  6 01:50"Ал Ҳилол"нинг собиқ бош мураббийи "Ал Насср"ни бошқаришга рози бўлди  4 00:54Расман: Поль Погба - "Монако" футболчиси!  3 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  3 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  5 00:10Мирко Йеличич: "Биз 60 дақиқа яхши ўйнадик"  0

Милан Митрович: "Мақсадлар жуда жиддий - "Сўғдиёна" кучли учликка кирмоқчи" News

Милан Митрович: "Мақсадлар жуда жиддий - "Сўғдиёна" кучли учликка кирмоқчи"

Жиззахнинг "Сўғдиёна" жамоаси жорий мавсум Суперлигада барқарор иштирок этмоқда.

Жамоанинг жорий йил чемпионатдаги иштироки шунчаки зўр. Бақоев шогирдлари ҳали мағлубият нималигини билмай келмоқда, 9та турда 3та дуранг, 6та ғалаба.  Улуғбек Бақоев шогирдларининг навбатдаги рақиблари АГМК, "Насаф", "Пахтакор" ва "Локомотив". Айни пайтда "Сўғдиёна" турнир жадвалида 21 очко билан иккинчи поғонада кетмоқда. Жиззахликлар мана шу барқарорликни сўнгги тўртта турда ҳам сақлаб қола оладими? Бу борада жамоанинг сербиялик дарвозабони Милан Митровичга юзландик. 

Митрович "Сўғдиёна"дан кетганмиди?

"Мен ҳеч қаерга кетганим йўқ. Ўтган мавсум якунида аниқроғи декабрь ойида клуб билан шартномам якунланганди. Таътилни ўтказиш мақсадида Сербияга қайтдим. Менда бошқа жамоалардан таклифлар бор эди. Шу паллада "Сўғдиёна"даги агентимдан қўнғироқ бўлиб қолди ва мен қайтдим",- дейди Митрович.


Нима учун мавсум якунидаги ўйинларда кўринмай қолганди?

"Коронавирус сабаб чемпионатда тўхталишлар кўп бўлди. Шуни ҳисобга олмаганда ўйинимни ёмон, демаган бўлардим. Бу билан ўзимни мақтамоқчи эмасман. Жамоа 2 октябрь куни "Локомотив"га қарши ўйнади ва биз якунда 2:0 ҳисобида ғалаба қозондик. Мен мазкур баҳсда тўп тепганман. Шундан сўнг терма жамоа йиғини туфайли чемпионатда танаффус юзага келди. Оиламни 9 ой кўрмаганим сабабли клубдагилардан уйга бориб келиш учун руҳсат сўрадим. Мураббийлар менга қалтис вазиятда кетиш хавфли эканлигини, қайтиб кела олмаслигимни айтишди. Жавобгарликни зиммамга олдим. Қайтиш арафасида топширган тестим ижобий натижа берди. Сербияда 14 кунлик изоляция натижаси мавсум охиридаги учрашувларда иштирок эта олмадим",- дейди кипер.


Мавсумни шиддатли старти ва Намангандаги ўйин ҳақида

"Чемпионат стартидаги учрашувларга тўхталсам. Биринчи турда минглаб мухлислар қаршисида "Навбаҳор"ни 1:0 ҳисобида мағлуб этдик. Натижада ўзимизга бўлган ишонч янада ортди. Ушбу баҳс олдидан мураббийлар аниқ вазифаларимизни айтишди. Барча ўз ишини аъло даражада бажарди. Олдинги интервьюларимда ҳам айтганман, "Сўғдиёна"даги ходимлар профессионал. Бу йилги мақсадларимиз жиддий. Кучли учликка киришимиз керак.  Қўлимиздан келганича юқори марралар сари интилишда давом этяпмиз",- дейди Милан Митрович.


"Пахтакор", "Локомотив" ва "Насаф" билан ўйинларда жамоа барқарор натижа кўрсатишда давом этадими?

"Футболда олдиндан бирор нарса, деб бўлмайди. Ўзбекистон миллий терма жамоаси йиғини муносабати билан юзага келган танаффус сабаб бир неча кун ҳордиқ чиқардик. Ўтган учрашувларда кетган қувватни тўлдирдик. Айни пайтда чемпионатнинг қолган ўйинларига тайёргарлик кўрмоқдамиз. Футболда ғалаба, мағлубият ва дуранг бирга юради. Гоҳида мағлубиятга учрасак ҳам, кучли бўлиб қайтиб ҳаракатда давом этишимиз зарур. Бўлажак учрашувларда бор кучимиз билан тўп тепамиз",- дейди Митрович.

Абдулазиз Искандаров суҳбатлашди

Rating: +5   

Comments

championat.asia
< show latest news
Яндекс.Метрика