Микаэль Секейра: "Танташев - Ўзбекистоннинг энг яхши ҳакамларидан бири"

- "Локомотив"дан ажойиб ўйин бўлди. Бир соат давомида 10 киши бўлиб ўйнадик. Аммо бу ўйин давомида сезилмади. Прессингда ўйнашга ҳаракат қилдик. Ҳужумда 10 киши бўлиб ўйнаган бўлсак, ҳимояда ҳам шундай бўлишга ҳаракат қилдик. Футболчиларимдан иродали ўйин бўлди. Умуман олганда босимга бой, яхши ўйин ўтди. "Металлург" таркибида ҳам яхши футболчилар жуда кўп. Азизнинг голида бутун бир жамоа чиройли ўйнади. Биз жуда хурсандмиз. "Локомотив" мухлислари, ходимлари, барча ушбу ғалабадан хурсанд бўлди. Адолатли ғалабага эришдик. Ушбу ўйин орқали биз нафақат уч очко олдик, балки, келажакка катта ишонч билан қарай бошлаяпмиз.

- Бир хил вазият. Абдужалиловга берилган қизил карточка Вагинга ҳам берилиши керак эди. Бунга нима дея оласиз?
- Бу ҳақида ҳеч нима демайман. Ушбу ҳакамни олдин ҳам айтганман, Ўзбекистондаги энг яхши ҳакам. У доимо хотиржам ишлайди. Бу вазият учун эътирозим йўқ.

- Кеча "Локо"нинг ёшлар жамоаси ҳам ғалабага эришди. Умуман олганда ёшлар таркибидан кимларни асосий таркибда ўйнатса бўлади?
- Ёшлар жамоамиз таркибида ҳам яхши футболчилар бор. Улар доимо биз билан бирга машғулот олиб боради. Фақат ҳамма ўз вақтини кутиши керак. "Локомотив" ёшлар таркибидан ҳам кўплаб зўр футболчилар чиқади.