“Металлург”: Янги ўйинчилар тақдимоти ўтказилди ёхуд Жавоҳир Илёсов ҳам келди

Жамоа бош мураббийи Андрей Сергеевич Шипилов бу хусусда тўхталар экан, ўтган йилги таркибдан фақат 8 нафар ўйинчи қолганлигини, таркиб амалда бутунлай янгиланганлигини қайд этди. Аммо бу ҳолат жамоанинг олдига қўйилган вазифасини уддалашида баҳона бўлмаслигини, “Металлург” Суперлигада муносиб иштирок этиб, мухзлисларини чиройли, ҳужумкор ўйини билан хурсанд этишга тайёр эканлигини таъкидлади.

ЎФА Профессионал футбол лигасида “буюртма” жараёни якунига етиб бораётган бир пайтда “Металлург” ўз таркибига яна бир ўйинчини қўшиб олди. Бу “Машъал” (Муборак) жамоаси посбони Жавоҳир Илёсовдир. Ўтган мавсум бекободликлар томонидан тепилган иккита пенальтини қайтарган Илёсов “Металлург”да 35-рақамда майдонга чиқадиган бўлди.
Ўз навбатида бу йилдан эътиборан “Металлург” ПФКнинг мавсум учун спорт кийимлари ва ўйин либосларида ҳам ўзгаришлар бўлганлиги маълум қилинди. Эндиликда бекободликлар “Адидас” спорт либосларида майдонга чиқишади.