“Металлург” Туркияда йиғинни бошлади
28 jan 2019 10:47
News

“Металлург” Туркияда йиғинни бошлади

Илгари хабар берганимиздек, Бекободнинг “Металлург” жамоаси мавсумолди учинчи йиғинни ўтказиш учун Туркия сафарига жўнаб кетганди.

Жамоа аъзолари Тошкент – Истанбул – Анталия йўналиши бўйича кеча манзилга етиб олишди ва биринчи куннинг ўзидаёқ кечки пайт машғулот ўтказишга улгуришди.

Клуб матбуот хизматининг маълумот беришича, Анталияда бекободликлар 11 февраль санасигача машғулотларни давом эттиришади. Жисмоний тикланиш жараёни билан бир қаторда халқаро ўртоқлик учрашувлари ўтказилиши ҳам режалаштирилган. Назорат ўйинларидаги рақиблар Арманистон, Қозоғистон ҳамда Туркия жамоалари бўлиши кутиляпти.