“Металлург”: Kўрик учрашувида “Бухоро”га имконият бой берилди
23 jul 2014 00:15
News

“Металлург”: Kўрик учрашувида “Бухоро”га имконият бой берилди

Иккинчи даврага тайёргарлик кўраётган Бекободнинг “Металлург” металлург жамоаси бугун Чирчиқдаги “Кимёгар” стадионида иккинчи кўрик учрашувини “Бухоро” футболчиларига қарши ўтказиб, 0:2 ҳисобида имкониятни бой берди.

Бу учрашувнинг дастлабки таймида Рустам Мирсодиқов бироз эксперементал таркибни синовдан ўтказди. Ҳимоя ва ярим ҳимоя чизиғидаги “янгилик”ка футболчилар тўлиқ мослашишолмади ва бухороликларнинг икки тезкор ҳужуми Маъмур Икромов қўриқлаётган дарвозанинг ишғол этилиши билан якунланди. Бундан ташқари ҳужум чизиғида Ўзбекистон миллий терма жамоасига чақирилган Шаҳзодбек Нурматовнинг йўқлиги ҳам билинди.

“Металлург” ўйинни қуйидаги таркибда бошлади: Маъмур Икромов, Саидкомил Акбаров, Ҳикмат Ҳошимов, Мирғиёс Сулаймонов, Алишер Зиёвуддинов, Шуҳрат Йўлдошев, Суннатилла Мамадалиев, Маъруф Муродов, Шоҳназар Норбеков, Зоҳид Абдуллаев.

Ўйин якунида заҳирадан майдонга тушганлар: Дониёр Одилов, Саид Абдужабборов, Дилмурод Каримов, Давронбек Каримқулов, Нозимжон Эсонов, Миртўра Акбаров.

“Металлург” навбатдаги ўйинни 24 июль куни Осиё ўйинларига тайёргарлик кўраётган Ўзбекистон терма жамоасига қарши ўтказади. Ўз навбатида эртага “Металлург”нинг ёшлар таркиби Янгиер шаҳрида “Машъал” жамоаси билан куч синашишини ҳам айтиб ўтмоқчимиз.

Link :

Source : metallurg-pfc.uz

Receive latest football news directly on your phone. Subscribe for our Telegram channel!

Rating: