"Металлург": Дониёр Одиловни табриклаймиз!

У бўйдоқлар сафини тарк этди! “Осиё гранд” ресторани ташриф буюрган узоқ-яқин қариндошлар, ёру-биродарлар, дўстлар, жамоадошлар Дониёржон ҳамда Азизахонларни висол айёмлари билан самимий муборакбод этишди. Уларга узоқ умр, сиҳат-саломатлик, оилавий бахт-саодат, кўплаб фарзандлар тилашди.

Висол тўйига ташриф буюрган замонамизнинг машҳур, таниқли эстрада юлдузлари, шоу-бизнес оламининг ёрқин вакиллари кечанинг янада файзли, тароватли ўтишини таъминлашди.

“Металлург” футбол клуби жамоаси, Дониёр Одиловни яхши билган, таниган дўсти-биродарлари номидан биз ҳам барча эзгу тилакларга қўшилган ҳолда, янги оиланинг мустаҳкам, тотув, ҳавас қиларлик даражада бўлишини, келгуси йили шу оилада чақалоқ йиғисининг эшитилишини тилаймиз!