“Металлург”: “Бунёдкор”га қарши ўйинга тайёргарлик бошланди
13 jun 2016 14:19
News
![](https://championat.asia/upload/storage/211451_original.jpg)
![](/upload/storage/211451_220.jpg)
“Металлург”: “Бунёдкор”га қарши ўйинга тайёргарлик бошланди
Жамоа бу йилги мавсум пешқадамларидан бири – “Бунёдкор”га қарши ўйинга тайёргарлик бошлаб юборди. Шу ўринда айтиб ўтиш керак, ўзаро учрашувлар статистикасига назар ташлайдиган бўлсак, “Бунёдкор” маъданчиларнинг энг ноқулай рақиби эканлигини билиб оламиз. Бугунгача қалдирғочлар ўзаро ўтказилган 18 та ўйиннинг 16 тасини ўз фойдаларига ҳал этганлиги фикримиз исботидир. Бекободликлар фақат 2 учрашувда “Бунёдкор”ни таслим эта олган. Киритилган ва ўтказиб юборилган голлар нисбати 42:16, қолдирғочлар фойдасига.
2016 йилги мавсумни ҳар иккала жамоа муваффақиятли ўтказиб келмоқда. Бу эса Бекободдаги ўйин муросасиз ва шиддатли курашлар остида ўтишидан дарак беради. Турнинг марказий ўйинларидан бири бўлган мазкур учрашувни тошкентлик тажрибали ҳакамлардан бири Виктор Серазетдинов бошқариб борадиган бўлди. Унга қанотларда навоийлик Обид Жумаев ҳамда тошкентлик Тимур Гайнулинлар ёрдам беришади. Заҳирадаги ҳакам эса бухоролик Элёр Турсунов.
Учрашув назоратчи ҳаками Элбек Мусаев, Ўзбекистон профессионал футбол лигасидан вакил сифатида эса Алексей Фролов Бекободга ташриф буюради.
«Металлург» (Бекобод) – «Бунёдкор» (Тошкент)
Ҳакамлар: В. Серазетдинов (Тошкент), О. Жумаев (Навоий), Т. Гайнулин (Тошкент), Э. Турсунов (Бухоро)
Назоратчи: Э. Мусаев (Самарқанд).
ЎзПФЛ вакили: А. Фролов.
"Металлург" матбуот хизмати
Similar news
![AMP Logo](https://championat.asia/image/logo-amp.png)
Comments