“Металлург”: Асосий таркибда ғалаба, ёшларимизда мағлубият

Асосий таркиб “Қизилқум” билан ўйинда ғалаба қозонган бўлса, ёшлар таркиби мезбонларга ютқазиб қўйди.

Даставвал ёшлар жамоамиз сунъий қопламали майдонда “Бунёдкор” жамоасининг ўринбосарларига қарши тўп сурди. Учрашувда биринчи бўлиб бекободликлар гол киритишди. Арслон Султонов меҳмонларнинг тезкор қарши ҳужумини голга айлантирди. Шундан кейин ҳам бекободликларда бир қатор имкониятлар бўлди. Аммо секин аста ташаббус мезбонлар томонига ўтди ва улар иккала таймда биттадан гол киритишиб, зафар қучишди. Ҳар иккала гол муаллифи Миржаҳон Раҳматов бўлди.
 
“Металлург” (ёшлар) – “Бунёдкор” (ёшлар) – 1:2 (1:1). 19.02.2016 йил.
Ҳакамлар: Даврон Акмалов, Аваз Абдуллаев, Жаҳонгир Абдураззоқов.
Назоратчи ҳакам: Олег Рубаков.
“Металлург”: Тимур Тўйчиев, Зуфар Акбаралиев, Аброр Тошқўзиев, Аъзам Солижонов, Асомиддин Абдураҳмонов, Умид Раҳимов, Мансур Нуралиев, Улуғбек Худоёров, Суннатилло Эрматов, Арслон Султонов, Зухрилло Бобоев.
Заҳирадан майдонга тушганлар: Акобир Қаюмов, Озод Комилов, Тимур Сайдуллаев, Зокир Аҳмаджонов, Худойшукур Сатторов, Жавлон Примбетов.
 
Куннинг иккинчи ярмида табиий қопламали майдонда “Металлург” жамоаси асосий таркиби Навоийнинг “Қизилқум” жамоасига қарши ўйин ўтказди. Учрашув тенг курашлар остида ўтган бўлса-да, бекободликлар яратилган вазиятлардан унумли фойдаланишда устунлик қилишди. Аввалига Аюбхон Нўъмонов ҳимоячилар ва дарвозабоннинг хатосидан унумли фойдаланган бўлса, иккинчи гол стандарт вазият туфайли дарвозаси тўрига бори тушди. Дониёр Одиловнинг зарбасидан сўнг тўп рақиб ҳимоячиларидан бирига теккан ҳолда йўналишини ўзгартириб, навоийликлар посбонини доғда қолдирди.
 
“Металлург” – “Қизилқум” – 2:0 (1:0). 19.02.2016 йил.
Ҳакамлар: Рустам Лутфулин, Олим Абдувосилов, Санжар Шоюсупов.
Назоратчи ҳакам: Андрей Клепиков.
“Металлург”: Суҳроб Султонов, Даврон Каримқулов, Ҳикмат Ҳошимов, Улуғбек Худойбердиев, Вусол Магеррамов, Дониёр Одилов, Мурод Тошматов, Мирғиёс Сулаймонов, Аюбхон Нўъмонов, Жаҳонгир Абдумўминов, Зоҳид Абдуллаев.
Заҳирадан майдонга тушганлар: Зафар Сафоев, Фарҳод Намозов, Дилмурод Каримов, Жасур Аҳмедов.