Месут Ўзил: "Бензема замонамизнинг энг яхши 9-рақамли футболчиси"

Германиялик футболчи бир пайтлар Мадрид клубида бирга ҳаракатланган ҳужумчи Карим Бенземанинг Испания Кубоги ярим финали жавоб ўйинида кўрсатган фантастик ўйини, киритган уч тўпи ҳақида гапирди ва франциялик футболчига йўлланган мақтовларни бошлаб берди.

"Қирол", – деб ёзди ва ундан кейин учта тож эможисини жойлаштирди Месут Ўзил ижтимоий тармоқда.

"Менинг дўстим Бензи! Бизнинг авлодимизнинг энг яхши 9-рақамли футболчиси!". 

Бензема 1987 йилда ушбу азалий тўқнашувда учта гол урган Гари Линекердан кейин "Эль Класико"да хет-трик қайд этган биринчи европалик футболчига айланди.

Шунингдек, франциялик форвард 1963 йилдан буён "Камп Ноу"да 3 та гол урган илк футболчи номини қўлга киритди.