Мессининг жаҳли чиқди: ўйиндан олдинги гаплари учун Ван Галнинг олдига борди, Давидс билан урушди ва Вегорстга жавоб қайтарди. Леони олдин бунчалик ғазабда кўрмаганмиз...
10 dec 2022 16:37
News

Мессининг жаҳли чиқди: ўйиндан олдинги гаплари учун Ван Галнинг олдига борди, Давидс билан урушди ва Вегорстга жавоб қайтарди. Леони олдин бунчалик ғазабда кўрмаганмиз...

У аҳмоқ деб атади.

Нидерландиянинг Аргентина билан ўйинида кўплаб ракурслар бўлди. Буниси энг қайноқларидан.

Лео пенальтидан урган голини шундай нишонлади.

Месси Ван Галнинг олдига борди ва интервью пайтида Вегорстга мурожаат қилди

Месси финал ҳуштагидан сўнг дастлаб ғалабани нишонлади, сўнгра Ван Гал ва унинг мураббийлар штаби олдига борди. Журналистларнинг хабарига кўра, Лео "Хўш, мени тўхтатдингми?" деган ва қўллари билан ишора қилган.

Шундан сўнг Эдгар Давидс ва Ван Галнинг яна бир ассистенти нималардир ҳақида гаплашди.

Месси интервью беришга йўл олди ва у ерда ҳам рақиб мураббийи ҳақида гапиришда давом этди:

"Ван Гал ўзини ҳудди унинг жамоаси қизиқарли футбол ўйнаётгандек тутмоқда. Аслида, улар шунчаки баланд бўйли ўйинчиларни жарима майдончасига юборишмоқда ва у ерга тўпни оширишмоқда.

Сўнгра Лионель флэш интервью пайтида Ваут Бегорстга гапирди. Кадрга "Нимага қараб ўтирибсан, аҳмоқ? Кетавер, аҳмоқ!" деган сўзлар тушди.

Месси тушунтирди: "Уларнинг 19-рақами [Вегорст] ўйиндан олдин ёнимизга келди, туртди ва провокация қила бошлаган ҳолда, ҳар хил гапларни айтди". У ўйиндан сўнг шундай тарзда жавоб қилди.

Аргентина терма жамоаси сардори ҳакам ҳақида ҳам гапирди: "Ҳакам майдонда ёмон ишлади. Улар рақиб ҳисобни тенглаштиришини хоҳлашди. Гап фақат қўшиб берилган 10 дақиқада ҳам эмас. Эпизодларни кўриш керак. Ҳакамлар ҳақида гапира олмайман, сабаби адолатли бўла олмайман – бу учун жазолашади".

Месси бироз тинчланганидан сўнг нега ҳис-туйғуларга берилиб кетганини тушунтирди:

"Ван Гал каби тажрибали мураббий ўзига ҳурматсизлик қилишни раво кўрганидан ғазабландим. У Аргентина терма жамоаси ҳақида ҳурматсизлик билан гапирди. Одамлар ўйиндан олдин гапиришларини ёқтирмайман. Уларнинг мураббийи бизни ҳурмат қилмади. Мен рақибга доим ҳурмат билан қарайман. Аммо, мени ҳурмат қилишса ёқади. Улар эса бундай қилишмади".

Анчадан бери Леони бунчалик ғазабда кўрмагандик.

Ван Гал ўйиндан олдин Мессини ёпиш мумкин деб айтганди

Нима Леони бунчалик жаҳлини чиқарди? Ван Галнинг ўйиндан бир кун олдинги гапи:

"Режаларимизни сизларга очиб бермайман, буни қилсам жуда ҳам аҳмоқлик бўлади. Аммо, Мессини қандай тўхтатиш ҳақидаги саволга жавоб бериш осон: паслар чизиғини ёпиш керак. Бу жуда ҳам қийин бўлади деб ўйламайман. Ҳа, Месси – уларнинг энг креатив ўйинчиси, аммо у тўпсиз унчалик фаол эмас – бу эса бизнинг имкониятимиз".

Луи ўйиндан олдин Аргентинанинг уч марказий ҳимоячи схемасига ўтганини билди ва бунга изоҳ берди:

"Уларда энди ҳужумда яна бир ўйинчи кам. Шундай экан, барчасини Месси қилишига тўғри келади – сиз ундан пас кутасиз. Унда эса фақатгина бир ҳужумчига пас бериш қолади. Бу менга оптимизм бермоқда".

Луи умуман олганда юлдузни ёпишни уддалади. Лео 2та аниқ зарба (бири пенальтидан) ва 1та муҳим пас берди. Бундан яхшироғини ЖЧ-2022да фақатгина Мексика терма жамоаси (у ерда 1та зарба ва 1та муҳим пас) уддалаганди. Аммо, Месси прессингда ишлади (ўз меъёрлари бўйича кўп).

Ван Гал ўйиндан кейин ўтказилган матбуот анжуманида шундай деди: "Испанчани бироз тушунаман. Ўйиндан сўнг Аргентина терма жамоаси дарвозабони жуда кўп гапираётганимни айтди".

"Сизларни икки марта зўрладим". Эмилиано Мартинес пенальтилар сериясидан кейин ҳам ёнди

Ван Гал Эмилиано Мартинесни шунчаки тилга олмади. Аргентина терма жамоаси дарвозабони иккита қайтарилган пенальтидан сўнг майдондаги қайноқ вазият марказига айланди. У ўша пайтда Ван Галга ёқимсиз гапларни айтди. Медиа "Астон Вилла" дарвозабони: "Оғзингни ёп, ###### аҳмоқ! Сизларни икки марта зўрладим!" деб бақирганини ёзмоқда.

Мартинес сўнгра интервьюда нега бунчалик ҳиссиёт билан муносабат билдирганини айтиб берди:

"Ван Гал Нидерландияда пенальтилар бўлган тақдирда устунлик бор экани ва улар ютишини айтди. У жим ўтириши керак деб ўйлайман. Унинг сўзларини телефонга сақлаб қўйдим ва ўйиндан олдин мотивация учун ишлатдим".

Нидерландия ва Аргентина ўйини – жаҳон чемпионатидаги энг қўполи

Нидерландия ва Аргентина ўртасидаги ўйинда ҳакам Антонио Матеу Лаос 15та сариқ карточка кўрсатди. Испан футболчиларга ҳатто пенальтилар сериясида ҳам (ундан олдин ҳам) огоҳлантиришлар берди.

Якунда умумий огоҳлантиришлар сони бўйича ушбу чорак финал жаҳон чемпионати рекордини ўрнатди – ҳатто 2006 йилда Португалия ва Нидерландия ўртасидаги "Нюрнберг жанги"да ҳам 8та сариқ ва 4та қизил карточка бор эди (ҳа, улар ҳам 2та сариқ, аммо улар 1та қизил карточка сифатида ўзгарган).

Хўш, Аргентина якунда пенальтилар сериясидаги ғалабани шундай нишонлади.

→ ВИДЕО ЖЧ-2022. Нидерландия – Аргентина 2:2 (Пенальтилар серияси 3:4)

Бу чиройли кўринмади, аммо Николас Отамендининг ўзи нега ғалабали пенальтидан сўнг нидерландияликларга ниманидир кўрсатганини тушунтирди:

"Мен уларнинг кўз олдида нишонладим, сабаби уларнинг ўйинчиларидан бири ҳар гал пенальти тепишимизда келиб, ўйинчимизга нималардир деди. Шундай экан, ушбу суратни контекстда кўриш керак – биз уларнинг ҳаракатига жавобан шундай нишонладик".

Бу эса Отамендининг сўзлари исботи: нидерландияликлар Лаутаро Мартинесни зарбаси олдидан қуршаб олишган.