Месси "Зенит" футболчисидан узр сўради
11 nov 2017 09:13
News

Месси "Зенит" футболчисидан узр сўради

Аргентина терма жамоаси ҳужумчиси Лионель Месси "Зенит"да ўйнаётган ҳамюрти Себастьян Дриуссидан узр сўради.

21 ёшли футболчи куни кеча Аргентина терма жамоасининг Москвадаги қароргоҳига келди. Дриусси Месси билан расмга тушишни сўради. Лионель эса футболчини навбатдаги мухлислардан бири деб ўйлади ва расмга тушди.

– Себастьянни танимаганимдан хижолатдаман. Уни яхши биламан. Аммо уни мухлислардан бири деб ўйладим. Расмни Инстаграмда кўргач, ундан узр сўрадим. Дриусси билан танишмиз, олдин хабарлашиб турардик, – дейди Месси ESPN нашрига.