Месси рақибни алдаб ўтиш борасида ТОП-5да тенгсиз
07 nov 2017 13:47
News

Месси рақибни алдаб ўтиш борасида ТОП-5да тенгсиз

"Барселона" форварди Лионель Месси жорий мавсум ТОП-5 чемпионатлардаги ўйинчилар орасида рақибни алдаб ўтиш борасида етакчилик қилмоқда.

Бу ҳақда "OptaJose" хабар берди.

Айни пайтда у 100тадан кўп алдаб ўтишни амалга оширган ягона футболчи ҳисобланади - 113та. Улардан 60% самарали амалга оширилган.

Иккинчи ўринда ПСЖ ҳужумчиси Неймар 96та уриниш билан (63%), учинчи поғонада эса "Боруссия" (Дордмунд) ярим ҳимоячиси Кристиан Пулишич 86та уриниш билан (44%).

Рўйхатда топ-10таликдаги ўйинчилар орасида самарадорлик бўйича "Лион" сардори Набиль Фекир етакчи. Унинг 72% уриниши самарали чиққан (61та уриниш, 72%).