Месси: "Олтин тўп"ни олаётган пайтим Левандовски энг яхшиси эмасди"

"Бавария" форварди ўтган йили соврин топширилган пайтда Мессининг соврин учун Левандовски ҳақлигини айтиб, ўзи унга овоз бермаганидан ҳайрон қолганини билдирганди.

"Одамлар нимани ўйлаётган бўлса, ўшани гапиришга ҳақли. Табиийки, одамлар нимани истаса, шуни гапиради.

Унинг гапларига алоҳида аҳамият берганим йўқ. Чунки одамлар доимо ўзини ҳақ деб билади.

Ўшанда гапларимни чин юракдан айтганман, чунки, ўшанда шундай бўлса керак деб ҳисоблаганман.

Роберт "Олтин тўп"га ҳақли эди, чунки у бир йил олдин ростдан ҳам ажойиб ҳолатда бўлганди. Аммо совринни ютган пайтимда Роберт энг яхшиси эмасди. У нимани ўйлаётган бўлса, шундай деб ҳисоблайверсин", - деди Месси.