Месси жароҳати туфайли терма жамоа машғулотида қатнашмади. Финалга 2 кун қолди
16 dec 2022 08:55
News
Месси жароҳати туфайли терма жамоа машғулотида қатнашмади. Финалга 2 кун қолди
Бу ҳақда “Mundo Deportivo” хабар бермоқда.
Манбага кўра, Аргентина ТЖнинг охирги машғулотида Лионель Месси иштирок этмаган. Майдонда Хорватия билан (3:0) ярим финал учрашувида захирадан ўйинга қўшилган ва баҳсда қатнашмаган футболчилар тайёргарлик олиб борган. Асосий таркиб аъзолари эса машқ залида шуғулланишган ва машғулотнинг охирги қисмида майдонга чиқишган. Аммо улар орасида Месси йўқ эди.
Тахминларга кўра, Месси соннинг орқа қисмида ноқулайлик ҳис этган. У хорватларга қарши баҳсда жароҳатланган. Жароҳатнинг даражаси эса номаълум, аммо Аргентина ТЖ мураббийлар штаби 35 ёшли ҳужумчи Францияга қарши 18 декабрь куни ўтадиган финалда қатнашишига шубҳа қилмаяпти.
Link :
Source : Mundo Deportivo
Receive latest football news directly on your phone. Subscribe for our Telegram channel!
Comments